Vawiin chawhnu dar 2 khan Mizoram Legislative Assembly hnuaia Committee peng pakhat, Subject Committee-I chuan Chief Minister Pu Lal Thanhawla chu CM Cabinet Meeting Room-ah hmuin, Mizorama ruihhlo tawlh leh hman chungchang an zirchianna kal meka an thil hmuh leh an hmalak tawhna te an report a ni.

Subject Committee-I hian thla hmasa April ni 23-30, 2018 chhung khan Thailand-ah zin in, an Narcotics Control Division te nen chipchiar taka inkawmna an nei a. Thailand sawrkarin ruihhlo hrang hrang khuahkhirhna Dan an lekkawh dan zirchian a ni.

Subject Committee-I Member Chief Minister hmu tu te hi Chairman Pu PC Zoram Sangliana leh Members Pu N.K. Chakma, Pu John Siamkunga, Lt. Col. Z.S. Zuala (Rtd) leh Pu T.Sangkunga te bakah Assembly Officer te an ni.

Mizoramah chuan ruihhlo khuahkhirhna Dan, Narcotic Drugs & Psychotropic Substances (ND&PS) hnuaia thubuai hrang hrang lut zingah zaa 90 chuang chu chinfel tawh a ni.

Attachment

  • Loading attachment...