348/2025-2026

Dated the 28th April, 2025 : Vawiin khan Ni 5 chhung (28th April - 2nd May) awh tur Thailand Health System Learning visit chu Centura Life Convention Centre, Chaeng Watthana, Bangkok, Thailand-ah Health Minister Pi Lalrinpuii ho-in Mizoram Health Department Officials ten an nei.

Khawvel ram 50 chuangin an lo zirchian tawh Thailand Health System hi Mizoram Health Officials te pawhin Kum 2019 khan zirchianna hmasa an lo nei tawh a, tunah hian Mipui Health care buaipuitute leh Health Department Officials hrang hrang ten chik zawkah zirchianna an nei leh dawn a, Thailand experience leh Mipui Health care kalpui mek chungchang khaikhin a, a tul dan a zira an kaldan tha te lakchhawn theih beisei a he programme hi buatsaih a ni.

He learning visit hi Mizoram State Health System Strengthening Project hnuaia tihtur hmachhawp pakhat a ni a, kum 2021 atanga he programme hi ruahman tawh niin, harsatna hrang hrang vangin tunah hian a lo hlawhtling thei ta a, a senso pawh MHSSP hian a sponsor vek a ni. 

Mizoram atanga kal te hi Thailand - National Health Security Office in lo mikhual in, Ni 5 chhung chu Thailand ram  Health security te leh public health care system chungchang te an an zirchian dawn bakah Public Hospitals te, Primary Health Centres te a hmunah ah tlawh dawn bawk a ni.