347/2025-2026
Khawzawl, dated 28th April 2025: Vawiin chawhma dar 11 khan DC Meeting Hall-ah Prandhan Mantri Awas Yojana - Housing for All 2.0 (PMAY 2.0) hnuaia hamthatna dawng tur thlang turin Khawzawl DC Pu K. Vanlalthiana hovin meeting koh a ni.
PMAY 2.0 hnuaiah hian chhungkaw harsa zual thlan chhuah te hnenah in sakna tur pawisa cheng nuai hnih (₹2.5 lakh) pek an ni dawn a, mi 43 thlan chhuah an ni. Heng mi te hi PMAY dan angin thla tin sing hnih sang nga (₹25000) aia tam lo hlawh chhuak vek an ni. DC Pu K. Vanlalthiana chuan mi harsa te'n chenna in an neih theih na tur scheme tha tak a awm hi lawmawm a tih thu a sawi a, thlan chhuah te'n an tangkai puia nun tha zawk an neihna a nih ngei a beisei thu a sawi bawk.
He hunah hian SDO (Sadar) Pu Suvigya S. Chandra, bank manager te leh khawtlang hruaitute an tel a ni.
