821/2026-2027
Siaha the 3rd June 2026: Health Minister Pi Lalrinpuii chuan vawiin khan District Hospital Siaha-ah CT Scan khawl thar leh RtPCR laboratory thar a hawng. He Hawnna inkhawm tawiah hian District Bawrhsap Pu VL Hruaizela Khiangte leh CMO Dr Lalrengpuii bakah sawrkar official ten Minister hi an tawiawm a, District Medical Superintendent Dr Lalrosanga’n he hun hi a kaihruai a ni.

Health Minister Pi Lalrinpuii chuan Kalkhawmte chu chibai bukin District Hospital in nasa taka hma a sawn theihna tura department hrang hrang thawhhonaah lawmthu a sawi. Hospital a thawkte thawhrimna leh inpekna chu chhuanawm a tih thu sawiin an in pekna ropui tak chuan rah duhawm tak a chhuah fo reng a ni a ti. Hospital in service a pek theih te a tam thei ang bera mipuiin an hriat theih nan uar leh zuala inhrilhhriatna  (public awareness) neih a pawimawh a, hospital in khawl tha tak tak a neih te chu tangkai taka hman a nih theih nan mipui pawhin an hriat a pawimawh a ti bawk.

Minister chuan RT-PCR Laboratory thar leh CT scan thar hawn tak te chu Siaha district in bung thar a kaina chhuanawm tak a ni a ti a, health infrastructure leh diagnostic service-tihchakna kawnga hmasawnna pawimawh tak a ni a ti.

COVID-19 hripui atangin natna hri hmuhchhuahna chak leh rinawm, inbuatsaihna tha a pawimawhzia a lang chiang a, RT-PCR Laboratory hawn tak chu hrileng dang pawh lo awm se inbuatsaihna tha lo neih lawk theihna tura din a ni ta chu lawmawm a tih thu a sawi. Siaha District a Health Care service tichangtlungtu leh ti hmasawntu a nih ngei theih nan duhsakna a hlan nghal a ni.