820/2026-2027 

Siaha the 3rd June 2026: Social Welfare Minister Pi Lalrinpuii chuan vawiin khan MTP Hqrts ten an Kumpuan ‘Ruihhlo Do’ puala beihpui thlakna kalzela thlakhat chhunga an man ruihhlo cheng 3,387,200/- man tihralna hun a hmanpui. MTP President S Vabeihasa chuan he hun hi a kaihruai a ni.

MTP office tualzawla hun tawi hmannah Minister chuan thusawiin sawrkarna fawng an vawn tirh atangin Mizoram Sawrkar chuan thalai tam tak tibuaia, nunna hlu tak suattu Ruihhlo do chu a ngai pawimawh takzet a, Mizoram Social Defence & Rehabilitation Board te, Nasha Mukh Bharat Abhiyan (NMBA) te kaltlanga sawrkar in khawtlang thenfai a tumna kawnga MTP leh tlawmngai pawl hrang hrang ten theihtawp an lo chhuahpui thin chu fakawm a tih thu a sawi. Dan ang taka damdawi zuar tura sawrkar in phalna a pek pharmacy thenkhat atanga damdawi zawrh phal loh zuar te, licence mumal nei lova ruihtheihthil zuar tawk an awm thin chu pawi a tih thu sawiin chutiang ti thin te chu ti tawh lo turin a ngen a ni. Minister chuan tlawmngai pawl te chu Siaha District ti thianghlim a, ruihhlo awmlohna district a nih theih nan theihtawp chhuah chhunzawm zel tura chahin duhsakna a hlan chhunzawm nghal a ni.

He hunah hian Pu KT Beicho, IRAS (Rtd), Legal Advisor MTP Hqrts pawhin MTP in an mamawh hrang hrang Minister hnenah hian a thlen a, a hlawhtlin ngei theih nan theihtawp chhuah a tum thuin Minister hian a chhang a ni.

Vawiina zu leh Ruihhlo tihral tak te hi a vaiin cheng 3,387,200/- man niin chungte chu: 

1. Codeine -2228 Nos x Rs 500  = Rs 1,114,000/-

2. ⁠Tapentadol - 103 box & 13 Strip= 1160 x Rs 1500 =  Rs 1,740,000/-

3. ⁠Spasmend - 89 box (890 strip) x Rs 50 = Rs 44,500/-

4. ⁠Micro Gaba- 30 Box(300 Strip) x Rs 200 = Rs 60,000/-

5. ⁠Heroin (No4) - 6 Hawng x Rs 60000 = Rs 3,60,000/- 

6. ⁠SAHMA (LIQUOR)

a) Local: 160 Ltr x Rs 300 = Rs 48,000/-

b) Royal Stag: 9 Btls x Rs 1500 =Rs 13,500/-

c) Beer : 24 Cane x Rs 300  = Rs 7,200

Total = Rs 3,387,200-(Rupees Thirty Three Lakhs Eighty Seven Thousand and Two Hundred Only) a ni.