2392/2024-2025

Khawzawl, dated 4th October, 2024: Vawiin tlai dar 5:00 pm khan Health Minister, Pi Lalrinpuii chuan Khawzawl District Hospital a tlawh a, hospital hmunhma te fangin thawktute nen inkawmna hun a hmang.

Minister Pi Lalrinpuii chuan Khawzawl District Hospital a building thar tur construction site a enpui a, sak dan tur te a zawtfiah a. Hospital fangin TrueNat laboratory te, Cold Chainroom te an enfiah a, hospital ward a damlo awm mek te tlawhin a kawm bawk a ni. Hospital an fan zawh hian Meeting Room-ah an thukhawm a, hospital a thawkten an mamawh te leh harsatna te Minister hnenah chuan an thlen bawk a ni. Minister Pi Lalrinpuii chuan hospital a doctor te, nurse te leh staff te'n hna tha taka an thawh avangin lawmthu a hrilh a, an mamawh dan ang zela tanpuina pek ngei a tum thu a sawi bawk a ni.

Minister Pi Lalrinpuii hi Health & Family Welfare Department atangin Principal Director, Dr. Vanlalsawma leh Joint Director, Dr. Lily Chhakchhhuak ten an tawiawm a, Khawzawl District atangin Khawzawl Deputy Commissioner, Pu K. Vanlalthiana; Addl. DC, Pu Lalfakzuala; SDO (S), Pu Suvigya S. Chandra; Sr. Medical Officer leh Medical Superintendent ni bawk, Dr. Albert Lalhminghlua ten an tawiawm bawk a ni.