1209/2026-2027

27th June, 2026: Vawiin khan Health Minister Pi Lalrinpuii chuan Kolkata a MUHCS Empanelled Hospital, Mizo damlo refer tamna - Natralaya RN Tagore Hospital leh Manipal Hospital, EM bypass Road ami te chu a tlawh.

RN Tagore Hospital Lung lam leh kal thlaknaclama damdawiin experiance nei tha tak an niin, Civil Hospital, Aizawl a kidney Transplant Kan kalpuina tura min puitu hospital an ni a. Tunah hian Civil Hospital Doctor leh  Staff ten training thawhkhatna an nei zo tawh a, training thawhhnihna neih leh tum mek a ni a.  Health Minister chuan damlo refer te lo enkawl mai bakah Tagore Hospital leh Mizoram damdawiin te chuan Mizoram Sawrkar damdawiin tihchangtlunna tura hmachhawp hrang hrangah thawhhona tam zawk neih a duh thu a sawi a, damdawiin a awm mek mizo damlo te pawh harsatna an neih leh neih loh zawtin, a kan nghal bawk a ni. Damlo boral palh an awm a, Death Certificate pek chhuah muang deuh hlek thin pawh a rang thei anga pe chhuak turin tagore hospital hotute chu a ngen nghal a ni.

Hemi hnu hian Manipal Hospital, EM Bypass Road, Kolkata a tlawh leh a.  He hospital hi cancer lamah super speciality hospital niin, khawl thar tha ber ber te nena thuam annih avangin Cancer enkawlna kawngah chuan an rintlak thu an lo hrilh a.  ICU leh Radiation wing te a tlawh nghal bakah damlo inenkawl mekte pawh kan nghalin, harsatna an neih leh neih loh te a zawt nghal bawk.  Manipal Hospital hotute pawhin an hospital hrang hranga damlo an enkawl dan te, super speciality branch hrang hrang an neihte an lo hrilhfiah a, damlote chu theihtawp chhuaha an lo enkawl thin thu sawiin, theihtawp chhuah chhunzawm zel an tum thu an sawi. Minister chuan Mizoram chhunga Nursing College hrang hranga Campus recruitment neihpui atan a sawm nghal a, Anni pawhin Manipal Hospital hrang hranga thawk turin mizo nurse tam zawk thawktu atana mamawh  thu an lo sawi a ni.

Health Minister - Pi Lalrinpuii hi Dr Lily Chhakchhuak, Director, Directorate of Health Services, Pu Zoremthara Ralte, Joint Resident Commissioner leh Pu H. Lalhruaitluanga, PS to Minister in an tawiawm a ni.

Minister hian vawiin khan Kolkata chhuansanin Delhi a pan a, Monday ni 29.6.2026 Union Health Minister ho a 16th Conference of the Central Council of Health & Family Welfare (CCHFW) meeting neih turah a tel nghal dawn a ni.