191/2025-2026

Dated the 16th April, 2025: Vawiin khan Health Minister  Pi Lalrinpuii chuan khum 50 awmna Kulikawn Hospital a tlawh a, Hospital building thar sakna tur atan ruahmanna a awm mek chungin, mipui te tan tuna a nihna ang ang hian engtin nge tangkai zawka service an pek theih ang tih a hmunah a enpui.

Health Minister hi Dr James RE Mawia, Medical Superintendent leh a hoten an lo dawngsawng a, tun dinhmun ah chuan MUHCS beneficiary - 30 an enkawl tawh a, Bed occupancy - hi a tlangpuiin 52% vel anih bakah,  Mizoram a Psychiatry ward nei awm chhun an nih avangin Psychiatry - bed 24 te chu a full deuh reng thu an sawi. 

Thawktute fuih tharin Pi Lalrinpuii chuan, Pathian tanpuina azarah mipui te harsatna chhawk zangkhai tura Sawrkar scheme thar Mipui Healthcare hi a hlawhtling chho zel a, 1st April atanga 14th April (Monday) thleng khan mi 153 Kan refer tawh bawk a, Hmun hrang hranga Kan PHC/CHC leh District Hospital hrang hrang leh ZMC&H thawktuten mipui tan theihtawp an chhuah ve zel tih sawiin, Kulikawn Hospital thawktute pawh tan la lehzual turin a fuih a, A bikin Nurse te chu damlo te tawngtai sak mai bakah, tawngtai pui tam turin a chah bawk.

Kulikawn Hospital ah hian Naupang lam doctor tha tak a awm mek bakah, Medicine doctor tha tak mai a awm thar a,Hmeichhe lam doctor tha tak awm bakah Dental Doctor 4 lai an awm mek a, heng Kan doctor thiam tak tak te hi mipuite pawhin tun aia nasa zawkin pan se a duhthu a sawi bawk.