192/2025-2026

Dated Hnahthial, the 16th April, 2025: Vawiin chawhnu dar 2:00 khan DC Meeting Hall, Hnahthial-ah Hnahthial District Bawrhsap, Pi K. Vanlalruati kaihhruaiin Union Minister of State for Statistics, Programme Implementation, Planning and Culture changtu, Pu Rao Inderjit Singh-a’n Hnahthial District a tlawh tur chungchang ngaihtuahin thutkhawmna neih a ni.

Meeting kaihruaitu, Pi K. Vanlalruati, District Bawrhsap chuan tun thla ni sawmhnih pathum (23.4.2025) hian Union Minister of State for Statistics and Programme Implementation, Planning, Culture changtu Rao Inderjit Singh chuan Hnahthial a rawn tlawh dawn thu sawiin amah lo dawnsawn dan tur ngaihtuah ho a tul vanga thutkhawmna hi ko a nih thu a sawi a. A tha thei ang bera kan lo inbuatsaih a tul thu sawiin DC Conference Hall-ah ‘Review of Programmes and Policies of Central Ministries’ tih hun hman tur a nih thu leh he huna tel tur hian Group A Officer zawng zawng sawmna pek nise tha a tih thu a sawi a ni. Hnahthial District chhunga department thenkhatin an hmalakna powerpoint presentation hmangin tarlang se a tih bakah Union Minister of State hun hmanpui dan tur tlangpui an ruahman nghal a ni. 

Meeting-ah hian Superintendent of Police, Project Director, DRDO; Sr. Scientist & Head, KVK; District Urban Development Officer; Block Development Officer; Sr. Executive Engineer, PWD; Executive Engineer, PHED; Chief Medical Officer; District Medical Superintendent; District Animal Husbandry & Veterinary Officer;  District Civil Supplies Officer; District Education Officer; Sub Divisional Officer, P&E; District Fisheries Development Officer; Child Development Project Officer leh District Child Protection Officer te an tel a ni.