193/2025-2026

Khawzawl, dated 16th April 2025: Vawiin chawhma dar 11 khan Wayside Restaurant, Kawlkulhah Kawlkulh Joint Village Council huaihawtin Kawlkulh Village Council Thar Lawmna hun hman a ni a, Khawzawl DC Pu K. Vanlalthiana chuan khuallian niin hun a hmanpui.

Khuallian Pu K. Vanlalthiana chuan thu sawiin hetiang hun hlu taka an sawm avangin lawmthu a sawi a, hun hlawk thlak tak an hman ngei a beisei thu a sawiin an sawi tur hrang hrang, an lawmna te, an vuina te, an harsatna te leh an sawi duh apiang ngaithla turin a lo kal a ni tih a sawi.

He hun hi Kawlkulh Joint VC Chairman Pu C. Rosangliana'n hun a kaihruai a, Kawlkulh North VCP Pu R. Thanhlira'n kalkhawmte lawmna thu a sawi. Khawzawl BDO Pu Timothy R. Lalhmangaiha, SDPO Pu Vaninmawia, DAO Pi Lallawmzuali, SDO (Sadar) Pu Suvigya S. Chandra, DIPRO Pu Lalzara leh Power & Electricity EE Er. NG Lalruatsanga te hnen atangin district chhung hmalakna chungchang leh fuihna thusawi ngaihthlak a ni bawk a, malzai ngaihnawm tak tak ngaihthlak a ni bawk. Hun tawp dawnah hian sawrkar hmalakna leh VC kalphung chunchangah zawhna leh chhanna hun hlawkthlak tak hman bawk a ni.