194/2025-2026

Kolasib Dated, the 16th April, 2025: Vawiin khan Pu Lalfamkima, Deputy Speaker leh Bialtu MLA nibawk chuan District Hospital, Kolasib leh District Court sak hna kal lai mek leh District Jail sak tur chu a hmunah a enfiah.

District Hospital a tlawhna ah hian Pu Lalfamkima, Deputy Speaker chuan Kolasib district mipuite mamawh em em hmasawnna ruhrel liantham damdawiin changtlung tak puitlin a ni thei tur chu lawmawm a tih thu a sawi a.

Damdawiin sak mek chu  central sawrkar ina norms leh guidelines an siam te a lo danglam thin avangin a tirah thil tul leh pawimawh zawng zawng ngaihtuah sen vek theih lohna chen a awm a, chuti chung pawh a an mamawh belh , lift lian zawka siam te, room thenkhat siksawi te tih puitlin a ni thei dawn ni a a lan avangin a lawmawm hle a ni, tiin,ruahmanna hmasa a awmlo ICU pawh awm thei ngei se  mipuite tan a tangkai takzet dawn a ni, a ti bawk. Heng hnate felfai taka puitlin tur hian PWD Architect te , Engineer leh Health Department te inpawhtawnna  tha an neih a pawimawh takzet a ni, a ti.

Deputy Speaker chuan Kolasib District ah tun hnaiah project liantham kalpui tur tam tak -District Jail sak that hna te, Revenue quarters , Diakkawn Bazar Building leh Venglai Bazar sak that hna te pawh kalpui thuai a ni thei tur chu District mipuite tan a lawmawm lehzual hle a ni, a ti bawk.

Pi Lalchhandami, Chief Architect PWD Mizoram pawhin report pe in, Health Department atanga an duhdan angin District Hospital Kolasib chu duan anih thu a tarlang a, chutihlaiin guidelines thenkhat zawm ngai a lo awm belh avangin a tul anga siam rem zel tum a ni, a ti.

District Hospital hi a chhuat zawl chungah chhawngthum awm tura sak a ni a. Damlo khum 100 awm tur niin Operation Theatre pali leh NICU pakhat leh Cabin panga awm tur a ruahman a ni a. A chung lawnchhona tur Lift leh damlo nawrna tur Ramp pawh awm tura ruahman a ni bawk.

District Hospital hi 2022 September thla khan budget Vaibelchhe 20 seng tura sak tan a ni a. Chutihlaiin Hospital huilding hluia damlo te awmna tur thenkhat thiah nghal mai theih loh chin a awm avangin nikum september a zo tura tih chu kumin october thla a zo tura beisei a ni thung.

District Hospital a tlawh zawh hian Deputy Speaker hian District Jail, cheng vaibelchhe 7 a sak tur leh District Court cheng, Vaibelchhia 13.75 a sak lai mek te a tlawh a, hetah hian thawktuten an building ina a kentel tur pawimawh dangte Deputy Speaker hnenah hian an thlen nghal a ni.

Vawiin a Deputy Speaker in Kolasib a Project site hrang hrang a fankual na hi PWD chief Architect, PWD SE Kolasib, SDO Civil, DIPRO leh PWD Kolasiba officer dang ten an tawiawm a ni.