195/2025-2026

Saitual, the 16th April 2025 : Vawiin chawhma dar 11:00 khan Tamdil Management Committee chu DC Conference Room, Saitualah Dr. Lalngura Tlau, District bawrhsap leh Chairman ni bawk kaihhruainain an thu khawm

He hunah hian Chairman Dr. Lalngura Tlau chuan kalkhawmte hnenah lawmthu a sawi a, Tamdil chu khual zin mite hip thei tura chei bawl a nih theih nan leh mite tana chhen fakawm a lo nih theih nan theih tawp chhuah turin kalkhawmte a sawm a. Bawrhsap chuan tha taka enkawl zui a nih chuan mi tam tak tan eizawnna kawng a inhawng dawn a ni, a ti.

Vawiin thutkhawmah hian Tamdil leh a chhehvela sawrkar department awmte ram dinhmun en chian leh Tamdil Management Committee thuneihna leh hmalakna tur hrang hrangte, sub-committee thurelte thlirho a nih bakah Misson Foundation Movement- ten Tamdil tana Eco-Tourism Project Budget an ruahmante  chu pharh niin enho ni bawk. Hemi atan hian funding tur chu CSR lam atanga ngaihtuah tum niin Mission Foundation Movement lamin rawtna an neih thenkhatte bakah Tamdil Management Committee atanga rawtna awmte pawh thlitfim leh niin, a theih ang anga tihhlawhtlin tura hmalak ni se tih rel a ni. 

Vawiin thutkhawmah hian Dr. Lalngura Tlau, DC & Chairman,Pu Lalthakima Chhangte, SDO (Sadar), Pi Zomuansangi, DFDO & Member Secretary, Mission Foundation Movement atangin Pu R Vanlalzauva, Director, Pu HL Rinawma, Project Manager, Pu Caleba Lalnunpuia, Project Manager te, Pu Ngursailova Sailo, President, ZPM Tawi East Block te bakah Saitual NGO aiawhte an tel a ni.