Ni hnih awh turin Health Multi Purpose Service Association chuan Synod Conference Centre-ah an pawl khawmpui vawi 29-na an nei tan a. He hun hi Pu Lalrinliana Sailo, Health Minister chuan a hmanpui.

Pu Lalrinliana Sailo chuan, \"Health Department hnuaia hnathawktute tan transfer & posting kalphung mumal tak peih thuai a ni dawn a ; hmun kilkhawr leh hrehawm deuha awm te chu hamthatna pawh pek kan tum a ni\" a ti.

Health Minister chuan hriselna enkawltu an nih avanga inthlahdah thei an nih loh thu hmanga hnathawktute fuihin, \"khawi hmunah pawh thahnemngai taka thawk tur leh awmchilh tura kan inhuam a tul a ; sawrkarin min dahna apiangah phur takin i thawk ang u\" a ti.