May ni 25 atanga ni 28 chhung khan Health Minister Pu Lalrinliana Sailo chuan Khawzawl, Khawhai leh Champhai te tlawhin a zin.

Khawhai ah hian khawtlangin Haibung Plantation a Bung an phun chu a hmanpui a. Khawtlang mipui thahnem takin Tanky tlang atanga Bawlkawn thlengin bung 180 zet an phun a, hnatlang mi 700 vel an thawk chhuak a ni.

Minister chuan heng an bung phun te hian nakin ah chuan khualzin mite a hip tur zia leh khawtlang pawhin an hlawkpui zia tur uar taka sawiin, tun atanga uluk taka enkawl turin khawtlang mipuite a fuih bawk a ni.He bung phun hi km 5 vel a thui a ni a, alo puitlin hunah chuan lei rap miah lovin thui tak a kal theih tur thu a sawi.

Minister hian Champhai damdawi In sak mek chu a hmunah en nghalin thawktute chu rinawmna nen tha taka thawk turin a chah a. Hospital a thawktute pawh an harsatna neih te zawtin a theih ang anga en zui pui a tum thu a sawi bawk a ni.

Health Minister hi Pu R.L. Pianmawia, Deputy Chief Whip leh Pu T.T. Zothansanga, MLA ten an tawiawm a ni. Nimin khan dam takin Aizawl a lo let leh a ni.