No.1131/2020-2021 

Vawiin chhun 12:00(noon) khan DC Conference Hall-ah Pu H. Lalengmawia, Secretary to the GoM, Health & FW , Sports & Youth Services  chuan Siaha District Level Task Force Committee member te  meeting a  neihpui.

Meeting-ah hian thu sawiin Pu H Lalengmawia chuan "Vawiin-ah hian tihtur leh tihlohtur hrilh tur che u a lokal ka ni lo; Covid-19 dona kawnga inhmalak tawhnaah Mizoram Sawrkar leh Health Dept  aiawha lawmthu sawi tur leh in harsatna te hriatpui tur che u a lo kal ka ni" a  ti a. Health Secretary  chuan Hqrs, Aizawla thu kan ni a, District dang dang atangin Sawrkar hnena chumi kha mi chu intih loh chuan' tih tawngkam hi kan dawng chamchi a, chutiang kara ropui ka ti deuh chu; vuivai duh ta u la, vuivaina ngah ber tur,  Myanmar nena inrina pawh hmun 11 laia ven ngai district ni chung si hian Siaha district atang hian Sawrkara lungawi lohna emaw, sawrkar kar zawnga chetna leh tawngkam chhuah hi tun Covid-19 buai chhung hian a awm lo reng reng a ni. Covid-19 harsatna kan tawh karah hian  Mizoram mipui te mit hmu-ah  Siaha district mipui te puitlinziah leh dawhthawh zia te, Kohhran, tlawmngai pawl,VC leh Sawrkar thawhhona thatzia te hi pholanin a awm a. Mizoram district dang te entawn tlakin in nung a ni, in hmalak tawhna chinah hian sawrkar leh kei ni Health dept pawh kan lawm tak zet a ni, a ti.

  Health Secretary  chuan  sawizelin; Kan mi leh sa te  ram pawn leh state dang atanga  lo haw runpui hian  kumin June thla laihawl vel thleng chu a awh mai a rinawm a.Kan  fimkhur zual sauh angai a;  kan inven reng a ngai a ni, tih erawh i hre reng ang u. State pawna tangkhang lo haw te hi  Screening point-ah RAT(Rapid Anti-body Test) kit a an thisen lo test a ni a. A result hi Positive(+ve) leh Negative(-ve) tiin kan sawi mai thin a. Hei hian mipui te a ti chi-ai thei a, RAT result  a +ve hi Covid-19 hri a vei tihna a ni reng reng lo. Chuvangin tunah chuan RAT result pawh hi +ve  leh -ve tih tawh lovin Reactive  leh Non- reactive kan tih hi a fuh zawk a ni,  a ti bawk.

Health Secretary chuan Covid-19 hri laka Task Force te theitawp chhuaha mahni khua leh veng theuh te kan ven mek lai hian mimal dikna chanvo rapbet lutuka chet lo lak palh te a awm loh nan, sawrkarin in kaihhruaina a siam hi zawm hram erawh kan tum theuh dawn ni a, a ti.

Siaha Bawrhsap Bhupesh Chaudhary,  CMO leh Addl.SP te pawhin meetingah hian report tawi an pe bawk.

Pu H.Lalengmawia hian SDLTF te nen meeting an zawh hnuah hian  Covid-19 laka Siaha District Hospital inpuahchah dan enpui turin a Hospital hi atlawh nghal a, Pu Lalsawma Pachuau, Principal Controller, Food & Drug Administration  in  Health Secretary hi a tawiawm a ni.