No.1130/2020-2021

Aizawl, the 16th May, 2020: Tukin khan Pu Robert Romawia Royte, Minister of State, Sports & Youth Affairs,etc., chuan Bethlehem Veng leh Assam Rifle ram inrina laia Basket ball court siam a rem leh rem loh Assam Rifles hotute nen an enho a. Hemi hnuah hian a bial chhung Aizawl East-II a Chite Veng Football Ground zauh dan tur leh phullem phah dan tur te a en fiah a. Armed Veng chhungah 1st Bn MAP Ground zauh dan tur te leh phullem phah dantur te a enfiah leh bakah Chhinga Venga Govt KVM kawtzawla Basketball Court siam dan tur pawh a en pah nghal a ni.

Assam Rifle hmunhma a tlawhnaah hian Pu Robert Romawia Royte, Minister of State, Sports & Youth Affairs,etc., chuan Bethlehem Veng chhungah Infiamna hmunhma a awm loh avangin helai ramri lai vel hi khawtlang tana hman tangkai a tul thu a sawi a. Aizawl East-II bial chu hun engemaw chen chu ngaihsak a hlawh tawk lo deuh tih sawiin he mi bial chhung tih hmasawn hna theih ang tawkin thawh zel tum a ni a ti a. Football Field te leh Basket Ball court a endik te pawh siam that thuai a nih theih nan chak taka hmalak a nih tur thu a sawi a ni.

Minister leh official te hnenah  Col. Viplav Tripathy, Assam Rifle Commandant chuan Lammual Area atangin Assam Rifles ten Zokhawsanga an hmun thara in suan an nghahhlelh thu a sawi a. Lockdown avanga Building la zawhloh thenkhat avanga la insuan lo mai annih thu a sawi a ni. Ramri siamrem chungchang chu mumal zawka thuneitu sang zawk te nen sawiho nise a ti bawk a ni.

Sports Minister Pu Robert Romawia'n Assam Rifle hmunhma a tlawhnaah hian Pu K.Liantlinga Vice Chairman,Social Rehabilitaion Board leh khawtlang hruaitu ten an tawiawm a, A bial chhung Aizawl East-II ah Pu C.Laltlanthanga, Secretary, Mizoram State Sports Council leh Deptt. Engineer ten an tawiawm bawk a ni.