Directorate of Health Services, Mizoram chuan 13th Finance Commission atangin kum 2012 –13 chhung a Infant Mortality Rate (IMR) tih hniamna lam a hna a thawh that avangin incentive grant Rs.3132 lakhs a dawng. 

Health Minister Pu Lalrinliana kaihhruaina hnuai ah Infant Mortality Rate leh Maternal Mortality Rate ti hniam tur hian kawng hrang hrang in theih tawp a tan lak a ni a. IMR hi State hriselna tehfung pawimawh tak niin kum 2009 ah IMR 36, 2010 ah 37, leh 2011 ah 34 a ni a. HMIS 2012-a IMR hi 28 a a tla hiam a. Kan population tlem avangin mi pakhat thihna avang pawhin IMR hi a sang nasa thei hle a. IMR hi mi sangkhat zelah chhut a ni.

Pawisa hi IMR reduction atana hman tur ani a, hman dan tur plan hi siam vat a, Chief Secretary kaihhruaina hnuai ah high level monitoring committee ah theh luh tur ani. High Level Committee in a pawm angin he fund hi tangkai taka hman tur a ni ang.