Vawiin khan Health Worker Training Institute a zirlai 53 ten Aizawl Civil Hospital Blood Bank-ah a mamawh apiangte hman turin thisen an pe.

Vawiina thisen petute hi 29th leh 30th Batch an ni a. Heng Student thisen petute hi Principal Nursing Officer Pi Zothankimi leh Dr. V. Lalhmingliani, PMO ten hovin Aizawl Civil Hospital Blood Bank thawktuten an lo buaipui a ni. Principal Nursing Officer Pi Zothankimi chuan Student Nurses Association te chu Voluntary Donor an nih thu te, Thisen mamawh an awm apiang leh thisen a tlem apianga an pek thin thu te a sawi a. Nurses Day puala pek tum ni mahse, mamawhna a san avanga Nurses Day an nghah hman tak loh thu a sawi bawk. Vawiina Health Worker zirlai thisen petute hi mipa 37 leh hmeichhia 16 an ni.