Mizorama Helicopter Service hawnna chu August ni 14 (Thawhlehni) hian neih a ni dawn ta a. Hawnna inkhawma hun hman dan tur kimchang duangin vawiin khan Principal Consultant GAD (Civil Aviation Wing), Wing Commander (Rtd) Lalzawma pisa ah sorkar mipawimawh te an thukhawm.

Thuampui Helipad-ah hian hawnna inkhawm tawite zing dar 10:00 ah buatsaih a ni ang a, Mizoram Chief Minister Pu Lal Thanhawla chu khuallian a ni ang. Hawnna inkhawm neih zawh ah Helicopter hi Thuampui Helipad atanga thlawk chhuakin Lunglei a pan anga. Lunglei Kawmzawl Helipad-ah hian a hmuahna inkhawm tawi lo buatsaih bawkin, chuta tang chuan Aizawl Thuampui Helipad ah alo kir leh ang. A thlawh hnihna atan Thuampui Helipad atang bawk hian Khawzawlah, Khawzawlah rei lote chawlin Champhai a pan anga, Champhai atang hian Aizawlah a lokir leh ang.