Vawiin Dt 29th Sept. 2012 hian Wing Comdr. Pu Lalzawmliana, Principal Consultant Civil Aviation Wing (GAD) chuan Mamit-ah Helicopter tumna hmun atana ruahman Luangpawl Field chu a hmunah a rawn enfiah.

Pu Lalzawmliana chuan helai hmun Luangpawl Veng Field chu Helipad atan chuan duhthusam anih thusawiin a bul vela thing awm leh current hrui inzam te chu thenfai a ngaih tur thu a sawi bawk.                                                                                                                  

Pu V. Lalremthanga District Bawrhsap Mamit leh khawtlang hruaitute chuan lo dawngsawngin District Bawrhsap chuan Helipad hmun tura hmalakna-ah harsatna a awm loh tur thusawiin hmalak nghal a ni ang tiin Aviation hotute hi a lo hrilh a ni.

Helipad hmun tura ruahman Luangpawl Field hi a dung 90 mtrs leh avang 65 metres niin hei hi Helipad a tan chuan a that tawk thu Aviation hotute chuan sawiin Helipad hmun tura buatsaih dan turte sawi ho nghal a ni bawk.                                                      

Mamit leh Aizawl inkar hi minute 15 vel thlawhnan hun a duh dawn thu te, a chuan man tur chu Test Landing neih hnuah siam a nih tur thu Aviation Wing hotute hian an sawi bawk a ni.                                                                                                                       

Wing Commander Pu Lalzawmliana hi Pu Saidenga, Assistant Director Aviation Wing (GAD) in a rawn tawiawm a ni.