Kumin February ni 23 a Mizoram pumah Village Council Inthlanpui neih ruala inthlang ve lo te, Aizawl District-a khaw 13 – Zokhawthiang, North Tinghmun, Mauchar, Zohmun, Palsang, Sakawrdai, Khawpuar, Vaitin, North Khawdungsei, Thingsat, New Vervek, Damdiai, Lungsum  leh Kolasib District-a  khaw 2 – Saiphai leh Saipum ah te  Mizoram State Election Commission chuan October ni 18, 2012 khian By-Election a buatsaih dawn a ni.

Aizawl District leh Kolasib District hnuaia 15-a vote nei thei awm zat chu heting hi a ni :

Inthlanna muanawm leh felfai neih a nih theih nan dan leh thupek kengkawhtu District Magistrate leh Superintendent of Police-te chu ruahmanna tul ang zawng zawngsiamtura beisei an ni a. A tul a nih chuan ralthuam ken chungchang leh aurinna hman chungchangah khapna thupek tichhuak thei an ni. Polling Station 15 te hi venhimna uluk zual bikna tur Polling Station ‘Sensitive/Critical Polling Station’ a puan an ni a.

Deputy Commissioner 2 (pahnih)-te hi District Election Officer (DEO) atana ruat an ni a, an mahni puitu atan District tina District Local Adminstration Officer (DLAO) te chu Asst. District Returning Officer (ADEO) atan ruat an ni bawk a ni. Inthlanna buaipuitu - Returning Officer, Presiding Officer leh Polling Officer - atan pawh tualchhung mi Sawrkar hnathawkte ruat an ni ang.

State Election Commission chuan inthlanna buatsaihna kawnga mawhphurtu, police leh sorkar hnathawk zawng zawngte chu duhsak bik emaw hlauhna nei hauh lova a lai thei ang bera hnathawkturina beisei a. An zavaihianStateElection Commission hnuaia deputation-a kala ngaih an ni a, election process a zawh hma chuan Commission thuneihna hnuaiah an awm dawn a ni. Vawiin atang khan Model Code of Conduct pawh kenkawh tan nghal a ni.

He inthlannaah hian a vawi khatna atan vote thlaktute kut veilam zungchalah ‘indelible ink’ hnawih a ni dawn a, hei hian vote thlak nawn tum leh mi aia vote thlak turte a veng ang.

Inthlan chuh tumte tana hming pek luh hun hnuhnung ber chu ni 4 October, 2012 thleng a ni ang a, hming pek luh te hi ni 5 October-ah endik a ni ang a, inhnukdawk duh leh te tan ni 8 October thleng hun hawn a ni ang. Ni 9 October, 2012 dar 10:00AM - 2:00PM chhungin inthlan chuhtute hnenah chhinchhiahna (symbol) sem leh an hming tarchhuah a ni ang a, a tuk ni 10 October khian State Election Commission leh DEO te  leh DEO, hnenah List of Candidates thehluh hman vek tur a ni. Vote thlak zawh fel veleh vote tla te hi chhiar tan nghal an ni bawk ang.

State Election Commission chuan inthlanna felfai leh muanawm neih a nih theih nan inthlanna buaipuitute, political parties, media, NGOs leh mipui tawiawmna a ngen a. Mipui duhthlanna kal tlanga tualchhung inrelbawlna tha tak neih zui zel theih nana theih tawp chhuah theuh turin mitin te a ni.