Excise & Narcotics Department chuan February ni 9 khan Aizawl - Lunglei Road, Zemabawk dai, Tawngtaina hmunah Heroin gram 14 leh a neitu Lalremruata (25), Lalkulhthanga fapa, Myanmar Haimual khua, tuna Chawhte khuaa khawsa mek chu an man. Lalremruata hian Heroin hi Myanmar atanga a lak, Aizawl vela hralh tura a tih a ni. Teikhang lam atanga rawn ken thlak, Ganja Kg 6 leh a neitu, Muankimi (39), Thangzakap-a fanu, Teikhang khua pawh February ni 7 khan an man bawk.

Excise & Narcotics Department hian Lalremruati leh Muankimi te hi The Narcotics Drugs & Psychotropic Substances Act, 1985 (NDSP Act) hnuaiah thubuai siamsiak an ni.