Vawiin khan Gauhati High Court Judge Mr Justice Michael Zothankhuma chuan Lawngtlai College Venga District Court hmun tur ram a en a. Hma lak zui dan tur hrang hrang a en fiah nghal.

District Court hmun atan hian tuna hmun neih lai hian a zawh tawh loh avangin hmun tha leh rem zawk zawn a ni a.District Council-ah ram ruak a awm loh avangin mi mal ram en a ni. Ram hi tihfel a nih chuan a building pawh sak nghal mai theih beisei a ni.

High Court Judge hi Lunglei Judicial District-a District & Sessions Judge Pu R.Thanga MJS, Gauhati High Court Aizawl Bench Registrar Pu T.L. Guite MJS, Lawngtlai District Chief Judicial Magistrate Pu Laldinpuia Tlau MJS, LADC-a Sr Revenue Officer, DIPRO leh ukil eng emaw zatin an tawiawm a. Ram en zawh hian Siahaa Fast Track Court hawng turin Siaha lam an pan leh nghal a ni.