Pu John Rotluangliana, Minister, FCS & CA, Transport, Tourism Bialtu MLA ni bawk chuan a bial chhung khaw hrang hrang Mamit, Bawngva, Suarhliap, Damdiai, Vawngawnzo, Sabual, Dampui khua te a tlawh a, khawtlang hruaitute nen inkawmna an nei.

Minister hian heng khaw hrang hrang a tlawhna-ah hian a mah lo hmuaktute, khawtlang hruaitute hmaah thusawiina neiin Mizoram Sorkar Flagship Programme NLUP chu Miharsa zawk leh rahbi tleu tawhte khaichhuahna hmanraw tha ber a nih vangin kalpui zel a ni dawn a ni ti, NLUP chu thatchhiat inzirtirna tia sawi awm thin chu a nihna dik tak hriat tawk loh vang a nih thu sawiin kan tuizawng leh thiam zawng tak hmanga eizawnna ngialnghet in siam sakna a nih avangin taimak inzirtirna a ni a ti.

Food & Supply Minister hian buhfaiah Mizoram chu tun dinhmunah harsatna a awm loh thu sawiin Gas harsatna tihzia awmna turin tunhnaiah gas phur tur motor 20 permit pek a nih thu a tarlang bawk.

Vawiin a Suarhliap khua a tlawhna-ah TS Liana Memorial Football Running Trophy Closing Ceremony-ah khuallian nia hmanpuina ah thusawiin sorkar chuan thalaite chu kan ram leh hnam in ngahna an nih avangin an hmakhua ngaiin infiamna lama hmasawn nan theihtawp a chhuah mek zel a, India hmarchhak State zingah Mizoram chu Artificail Grass phah tamna ber kan nih thu sawiin infiamite chu ruihtheih laka fihlim tlat turin a chah a ni. Suarhliap Football Ground-a Pavilion siamna atan MLA Fund atangin Rs 1 lakh a hlan bawk.