No.2746/2021-2022

Aizawl the 27th October, 2021 : Vawiin khan High School English Grammar Zirna Lehkhabu, Pu C.Lalhluna ziah chu Conference Hall, Directorate of School Education, Treasury Square-ah Pu James Lalrinchhana, Director, School Education-in a tlangzarh.

Lehkhabu tlangzarhtu Pu James Lalrinchhana chuan COVID-19 hripui leng karah zirlaiten zirna lama hma an sawn theihna tur English Grammar zirna lehkhabu hman theiha a lo piang chu zirna lama hmasawnna rahbi pawimawh leh chhinchhiah tlak a ni, a ti a. COVID-19 hri leng avangin zirna sukthlek nasa takin a danglam a, thil tha lo nia kan hriat hri leng phenah Information & Communication Technology (ICT) lamah nasa taka thangin loh theih lohvin thil thar, zirna atan kan hman a ngai a, zirna a bahlah loh nan School Education Department chuan Online Education Committee te hial dinin ICT hmangin zirna hawiher kan thlak a, chutiang karah chuan zirtirtute leh zirlaite pawh thil inthlakthleng hmachhawn turin kan inher rem chho thei zel chu a lawmawm hle a ni, a ti a. Zirtirtu leh ziaktu dangte pawh khawvel inher danglam chho zel mila zirna lam leh ram leh hnam tana hmanraw tangkai chhawp chhuak zel tura fuihin duhsakna a hlan a ni.

High School English Grammar Zirna Lehkhabu tlangzarhnaah hian School Education Department Officer-te, zirtirtu pawl thenkhat hruaitute leh thuziak lama mithiamte an tel a ni.