Vawiin khan Mizoram RMSA leh ATI buatsaih High School Headmaster Training chu ATI Auditorium-ah tan a ni a. Training hawnna inkhawm hi School Education Director Pu. K. Lalthawmmawia’n a hmanpui a ni.

Pu K. Lalthawmmawia chuan thu sawiin school naupangte chu exam-a pass tha ringawt tur ni lovin an zirlai thiamna tak tak ngai pawimawh turin Headmaster-te chu a chah a. Naupangten sawrkar school an bawh lo chu thawktute tan inenfiah a ngai a ni, a ti a. Zirna siamthat nan Primary School leh Higher Secondary School-a thawktute tanrual a ngai a ni tiin school that leh that loh chu Headmaster-ah a innghat a ni, a ti bawk.

High School Headmaster Training-ah hian ATI Faculty, MZU, SCERT, DM&R, IASE-a mi thiamte leh hmun danga mi thiamten an zirtir dawn a. District tina Government High School, Adhoc Aided leh RMSA School atangin Headmaster-te an kal khawm a. November Ni 24, 2017 thleng training hi neih tur a ni.