461/2023-2024

Aizawl, 16.05.2023: Vawiin khan MBSE Conference Hall, Chaltlang, Aizawl-ah Mizoram Board of School Education (MBSE) buatsaihin Aizawl District chhunga MBSE Affiliated High School leh Higher Secondary School zirtirtute tan capacity building of teachers in setting higher order thinking skills (HOTS) question tih thupui hmangin ni thum awh tur training buatsaih a ni.

He training-ah hian National Education Policy (NEP)-2020 chungchang te, Class IX leh X Science leh Mathematics bilingual textbook chungchang te sawi zauh na hun neih nghal a ni a. MBSE-in Scheme of Examinations and Question Design a hman mek, Integrated Evaluation Scheme (IES) leh application software chungchang inhrilh thar lehna neih nghal a ni.

MBSE chuan kum 2020 HSLC Ieh HSSLC exam atang khan exam dan kalphung leh zawhna zawh dan thar a hmang tan a. Hemi hian a tum ber chu content-based question atanga competency-based question tam zawk zirlai naupangte tana chhawp chhuah niin, hemi atan hian District 11-a zirtirtute tan kum 2019 khan training “Question Setting Technique” tih thupui hmangin buatsaih a ni tawh nghe nghe.

Vawina training buatsaihin a tum ber chu zirtirtu Term exam leh Board exam buatsaih thinte tan HOTS question chu eng ang nge a nih tih leh a buatsaih dan zir ho a ni a. Training hi session hnihah then niin session hmasa zawkah chuan Bloom Taxonomy atangin lower order thinking skills (LOTS) leh HOTS question zir ho a ni a. A session hnuhnung zawkah chuan subject hrang hrang atangin zirtirtuten HOTS question an buatsaih a ni. Rote memorization emaw LOTS hmanna lam hawi ringawt zawhna ni lo higher order thinking skills lam hawi, naupangten an ngaihtuahna tun aia an sen lehzualna tur hi NEP-2020 rawn chhuak pawhin a ngaihpawimawh avangin training hi district hrang hrang 10-ah MBSE affiliated school tan buatsaih vek a ni tawh a, a tawp khar nan ni 3 awh turin Aizawl district tan buatsaih a ni.