460/2023-2024

Khawzawl, the 16th May, 2023: Vawiin chawhnu khan Khawzawl District Bawrhsap Pu K.Lalrohlua hovin DC Conference Hall, Khawzawlah Remna Ni 2023 Khawzawl District-a hman dan tur rel a ni.

Meeting chuan Remna Ni Vawi 37-na lawmna chu Zaingen YMA Hall-ah hman nise tiin a rel a. Remna Ni pual hian ‘Cleanliness for peace and prosperity’ tih thupui hmangin Digital flyer leh short clip video competition neih an rel a. High School leh Higher Secondary School zirlaite pualin Remna Ni lam hawi Quiz Competition leh Essay Competition neih an rel bawk a ni.

Heng bakah hian meeting chuan Remna Ni pual hian June ni 30, 2023 hian Khawzawl Zuchhip Veng Sub-Hqrs. YMA information Centre-ah Health Camp neih ni se a ti a. Remna Ni chawlhkarah Khawzawl District chhunga khaw hrang hrangah faina hnatlang neih ni se tihte, DC Office huaihawtin Remna Ni zingkarah Peace Walk neih ni se tihte, Remna Ni vawi 37-na pualin thisen pek runpui Blood Donation neih ni se tih leh, Remna Ni champha vawi 37-na pualin thing 37 zel Department leh NGO te'n phun theuh ni se tihte an rel bawk.

Thutkhawm kaihruaitu Pu K.Lalrohlua, District Bawrhsap chuan Khawzawl District chu District fai leh changkang tak a nih thu  sawiin, Lirtheia chuangte pawh an awmhmun atanga bawlhhlawh paih mai lova bawlhlawh bawm remchang a awm huna paih thin turin a chah a. Sawrkar Department hotute, VC leh NGO te chu midangte faina kawnga zirtirtu leh kawhhmuhtu nih tum tura chahin meeting hi a khar a ni.