411/2023-2024
India ram pum huapa lirthei chi hrang hrang him zawkna tura tih High Security Registration Plate (HSPR) chu Mizoram-ah kum 2012 atangin hman tan a ni a. Ministry of Road Transport and Highways Notification gazetted vide No.4823 New Delhi, Thursday, December 6, 2018/Agrahayana 15, 1940; Point No. 4 (a) (b) (c) leh Transport Department, Govt. of Mizoram Notification No.C.13018/68/15-TRP/Pt Dt.6.8.2019-a tarlan a nih angin lirthei siamchhuaktu company ten 1st April, 2019 atangin lirthei an hralh chhuah reng rengah High Security Registration Plate (HSRP); a nih dan phung dik taka siamsa; lirthei zuarchhawngtute (Dealers) hnenah an lirthei hralh chhuah apianga bel theih turin an pe zel tur a ni tih a ni a.
HSRP ah hian information hrang hrang; chassis number, engine number etc dah a ni a, heng information-te hi lirthei registration certificate-a information nen a inmil thlap tur a ni a, a eng emaw ber inanglo a awm chuan thil diklo awlsam takin a hmuhchhuah theih nghal zel a ni.
Lirthei neituten HSRP nilo; kan duh ang leh mawi tih zawng kan vuah mai thin hian lirthei rutu tan number plate dang bel chawp theihna kawng zau takin a hawn sak a, chhui zui ngaihna awm lova bo hlen ta a tam em em a ni. HSRP hi lirthei neituten kan hman vek hunah chuan lirthei rukte chu a tlanna chin leh a kalna lam hawi awlsam taka chhui zui nghal theih a ni dawn a ni. Tin, mipui/lirthei neituten HSRP vuahlo reng reng te chu rukbo rinhlelhawm a ni tih kan hriat nghal mai theih nan HSRP hman hi a pawimawhzia hre thar chunga hmang theuh turin kan inngen a ni.
