412/2023-2024   

State Election Commission chuan Chakma Autonomous District Council-a MDC Inthlanna neih Result chungchanga a hnuai ami angin vawiin khan Press Note an chhuah.

State  Election  Commission,  Mizoram-in  ni  17.04.2023  a  Chakma Autonomous District Council inthlanpui vawi sawm leh pakhatna neih hun tur atan ni 09.05.2023 a lo puan tawh angin, Chakma Autonomous District Council hnuai a MDC Constituency 19-ah te ni 09.05.2023 zing dar 7:00 atanga tlai dar 5:00  chhung khan  Inthlanna  neih  a  ni  a. Hetih  lai  hian 15-Rengkashya MDC Constituency-a Pu    Amit  Kumar   Chakma, official  candidate  BJP  chu    ni 04.05.2023 khan vanduaithlak taka a boral avangin State Election Commission chuan he Constituency tan hian inthlan hun hi ni 17.05.2023 ah a sawn a ni. General Election to Chakma Autonomous District Council, 2023 a Voter awm zat leh Vote tlak dan leh result chu hetiang hi a ni: 

MDC Constituency awm zat                                 :           20 MDC Constituencies

Seat zat                                                                :           20 MDC Elected Seats

MDC Constituency Inthlanna neihna                    :           19 MDC Constituencies 

Male Voters                                                          :           17,455

Female Voters                                                      :           17,019

Total Voters                                                           :           34,474

Vote tla zat:

EVM-a Vote thlak zawng zawng            :     32,313

Postal Ballot                                           :    103

Vote tla zawng zawng                            :    32,416

Za zela Vote tla zat                                :    94.03 %

Political Party tin seat lak zat:

Bharatiya Janata Party                           :    5 Seats

Indian National Congress                       :    4 Seats

Mizo National Front                                :    10 Seats

Zoram Peoples Movement                     :     0 Seats

Total                                                        :    19 Seats

General Election to Chakma Autonomous District Council, 2023 a mipuite’n an ai awh tura Members of District Council an  thlan  tlinte   chu  a hnuaia mi ang hi an ni:

GENERAL ELECTION TO CHAKMA AUTONOMOUS DISTRICT COUNCIL, 2023 

List of Elected Members

General Election to Chakma Autonomous District Council, 2023 inthlanna buaipuitu ber Deputy Commissioner/District Election Officer/Returning Officer, Lawngtlai District, Superintendent of Police, Lawngtlai District, Election Officer, Lawngtlai District, SDO(C) Chawngte & Assistant Returning Officer, Nodal Officers, Sector Officers, Presiding Officers, Polling Officers, Counting Officials, Police force-te, Office hrang hrang   a  thawktute, Village Level Officers, Village Council te leh NGO te inpekna avangin inthlanna chu tluang taka zawh fel a ni ta a, State Election Commission chuan an zavai a chungah lawm thu a sawi a ni.

Thu leh hla puanzar zung zung hi inthlanna hlawhtling nei tura a serh zinga a mei ang a ni a, hemi kawngah hian I & PR Department, Print leh Electronic Media te chuan Commission leh DEO/RO mamawh leh thu puanzar duh tinrengah chhun leh zan pawh sawi loin a tul apiangah hma min laksak a, tluang tak leh felfai taka inthlanna nei thei tura tha thawhtu pawimawh ber te zing a mi an ni a, an chungah State Election Commission chuan lawm thu a sawi a ni.

State Election Commission, Mizoram chuan Chakma Autonomous District Council member thlan thar zawng zawng te lawmpuina a hlan a, Democracy innghahna pawimawh tak General Election to Chakma Autonomous District Council, 2023 ti hlawhtling tura Chakma District huam chhunga mipui, vote thlak tura thawk chhuak zawng zawngte chungah lawm thu a sawi a ni.