Vawiin khan Higher and Technical Education Minister Dr.R.Lalthangliana chuan Vanapa Hall-ah Graduate Topper 22-te chawimawina hun a hmanpui.

Higher and Technical Education Minister Dr.R.Lalthangliana chuan hnam dang te Mizoram ah an lo tel theih lohna turin ‘ keini’  hi kan pawimawh a ni a ti a, chuvang chuan kan zavaia tan kan lak a ngai a ni a ti. Zirlai kalkhawm te hmaa thu a sawina ah hian Minister chuan midang mamawh lova Mizoram a intodelh theihna chu ‘zirna’ hi a ni a ti bawk.

Mizo Students Union (MSU) buatsaih Graduate topper chawimawina ah hian Minister Pu R.Lalthangliana chuan Inter State Student Meet buatsaihna atan sawrkar in budget pawn atangin cheng nuai 20 a pek tur thu a sawi bawk a ni.

Vawiin a Graduate topper te chawimawina hunah hian MSU member pahnih Lalnunfeli kum 13 leh Lalpeksanga kum 8 nimin tlaia Durtlang-a vanduaina avanga nunna chante sunna hun hman a ni bawk a ni.

Health Minister ni bawk Dr.R.Lalthangliana hian tukin khan Durtlang-a chhiat tawhna hmun hi a hmunah a tlawh in, damdawi in a enkawl mek hliam tuarte a hlawh bawk a ni. Vawiin vek khan Civil Hospital atangin Medical team te Durtlang ah hian Minister hmalakna in an kal a ni.