Vawiin khan Higher and Technical Institute Mizoram (HATIM) chuan Valedictory Ceremony 2018 Convention Centre, Lunglei ah neih a ni a, Dr.C.Vanlalramsanga, IES, Secretary, UD&PA, Planning & Programme Implementation, Govt. of Mizoram chu khuallian niin a hmanpui.

He Ceremony hi Dr.Rema Chhakchhuak, Principal, HATIM chuan kaihruaiin Rev. PC Liandula, President Elect, BCM in hunserh a hmang a ni. Khuallian Dr.C.Vanlalramsanga, IES chuan thu sawiin zirlai graduate te a lawmpui thu a sawi a, vawiin a in hlawhtlinna ah hian tawp mai loin, a bul tan naah ngai ula, in kal zelna ah tum mumal tak neiin tumruhna leh hlawhtlin tumna rilru pu chungin hmalam pan turin a fuih a ni. Tum mumal tak nei a, kan tum kan tih hlawhtlin turin theihtawp kan chhuah a ngai a ni ati. Kan tum ah kan hlawhchham a nih pawhin beidawng loin hlawhtling turin kan bei tang tang tur a ni. Ka ti thei ani tih rilru kan put chuan kan tum ah kan hlawhtling dawn a ni. Chuvangin kan rilru put hmang a sang in kan tum ah kan chian a ngai a, chutiang a kan tih chuan kan hlawhtling ngei ang a ti. HATIM chu dinna la rei lo mahse thawktute leh kohhran ho inpekna leh  thahnem ngaihna avangin Mizoram ah Institution tha berte zing a mi a nih thu a  sawi. Vawiin a graduat thar te chuan an kal zelna turah duhsakna a hlan bawk a ni.

Vawiin Valedictory  Ceremony ah hian B.Com, BCA, BSW leh BA English Core zirlai 86 te hnenah Dr. Rema Chhakchhuak, Principal, HATIM chuan Graduation Certificate hlan na a nei a, Rev. R.Zohmingliana, AGS i/c Service, BCM chuan HATIM Magazine ‘DOKIMOS’ release na a nei bawk a ni. He hunah hian Award hrang hrang sem a ni a, Pu  Vuansanga Vanchhawng, Dean, HATIM chuan lawmthu sawina neiin Rev. Dr.C.Vanlaldika, AGS i/c Mission, BCM chuan malsawm tawngtai na a nei bawk a ni.