Higher & Technical Education Department chuan State Technical Entrance Examination 2014 result chungchangah a hnuai a mi ang hian thuchhuah a siam.

Tualchhung chanchinbu thenkhat a lo lang ‘State Technical Entrance Examination 2014’ result a Chakma leh hnamdang thlan ve thu lo lang te avanga MZP te lungawilohna lantir nan Higher & Technical Education Department (Technical Wing) office kawt a lungawilohna lantir an tum thu a sawrkar dinhmun chu hetiang hi a ni.

Sawi tawh angin Chakma te hi 1997 atangin technical zir tur a thlan zingah an lo tel chho ve reng thin a. Chutiang tak chuan kumin ah pawh an lo lang tel leh ta a. Kan dan hman lai 1999-a siam ah a Category 1 ah Chakma te (Mizoram a awm nghet) lo lang a chu heng Chakma hnam te hi Indegenious Tribes of Mizoram an nih leh nih loh finfiah turin Law & Judicial Department ah endik mek a ni a. Higher & Technical Department chuan Law & Judicial Department pawh be pawp rengin hma an la a. Nimahsela thil awl ai lo tak a nih avangin a hrilhfiahna hi department in a la dawng let lo a ni. Tunah hian Chakma zirlai BDS zir tur a thlan chuan hmun dangah seat a hmuh avangin Mizoram quota a chhuahsan tawh a. A dang 2 te hi pakhat MLT (Laboratory Technician) leh OOT (Opthalmic Technician) zir tur a zawm te chu an ni.

Chuvangin thil awmdan hrethiam a, lungawi lohna lantirna nei tur a an ruahman pawh hi sawrkar thu ngaichang turin MZP te Higher & Technical Department chuan a ngen tak meuh meuh a ni.