1281/2026-2027

Dated Aizawl, the 3rd July, 2026: Vawiin khan H&TE Minister Dr. Vanlalthlana hovin Planning & Programme Implementation Department Conference Hall-ah Higher & Technical Education Department Review Meeting vawi 2-na neih a ni. He meeting hi H&TE Commissioner & Secretary Dr Lalrozama chuan he hun hi a kaihruai.

Minister Dr Vanlalthlana chuan, ‘Kan kal dan leh hmalakna kan thlir hova kan en nawn hian kan chak a, chu chuan min nawr kal ṭhin’ a ti a. H&TE Department official-te thawh ho ṭhat azarah hmasawnna duhawm tak tak Mizoram chuan a hmuh thu sawiin, class ṭan theih tura Mizoram Engineering College chu kalpui mek niin, Mizoram State University din thar pawh class kalpui a nih vat theih nan hma lak zel a nih thu a sawi bawk.

Minister chuan higher education tan theih tawp chhuah a nih thu sawiin, tun hnaiah a ngheta Assistant Professor 36 lak an nih bakah RUSA Assistant Professor 58 lak ngheh an nih thu tar langin, Contract Assistant Professor 170 dah ngheh an nih tawh thu a sawi bawk. Heng thawktu lak belhna, human resource tihchangtlunna hian mihringa theihna awm chu ṭangkaia hman chhuahtir a tum tur a ni tiin, human capital formation avang hian zirlaite leh zirnaah sum kan pei pung (invest) zel tur a ni a ti.

Education Consultant Rev. Dr K. Thanzauva pawhin thu sawiin, Mizoram hmasawn nan chuan zirna kan mamawh hmasa ber a, kan ram leh hnam tan hian thil dang engkim innghahna chu zirna a ni, a ti.

Higher & Technical Education Department Review Meeting-ah hian Secretariat, Directorate, Joint Directorate (Technical), PM-USHA, Mizoram Scholarship Board, College Principals' Council, Polytechnic, MERC Working Chairman Prof. Lalbiakdiki Hnamte leh member dangte aṭangin an hmalakna leh an dinhmun ṭheuhte ngaihthlak niin, hmachhawp awmte leh hma lak dan turte sawi ho a ni.