1280/2026-2027

3rd July, 2026: Tukin khan Khawlian khuaah mipui mamawh phuhrukna tura sak Bazar Shed thar chu Mizoram Legislative Assembly Speaker Pu Lalbiakzama’n a hawng. Chhun dar 11:00 khan Khawlian Centenary Higher Secondary School a hawng bawk a ni.

Speaker in a hawn tak Bazar Shed hi Pu Richard Vanlalhmangaiha, Lok Sabha MP Fund atanga sak niin cheng nuai Rs. 24,37,500 (Nuai sawmhnih pali singthum sang sarih zanga) seng a sak a ni.

Khualian Pu Lalbiakzama chuan thu sawiin, Khawlian khua hi Saitual District-a sumdawnna hmun pawimawh tak a ni, a ti a. He Bazar Shed thar hian ni tin Bazar-a eizawng te tan nasa takin hmasawnna a thlen ngei a beisei, thu te sawiin, sawrkarin khaw mipuite hmasawnna tur a ngaihtuah reng a ni a ti bawk.

Bazar shed hawnna hunah hian Pu B. Zahunga, Chairman Bazar Shed Committee chuan a kaihruai a. Khawtlang hruaitute leh Bazara thu thin sumdawngte leh khaw mipui thahnem tak an tel a ni.

Chawhma dar 11:00 ah Pu Lalbiakzama chuan Khawlian khuaa zirna tihhmasawn nana din Khawlian Centenary Higher Secondary School chu a hawng bawk a.He Higher Secondary School thar hi Bialtu MLA a nih angin a MLA fund atangin cheng nuai hnih (2,00,000) a pe a; hei bakah hian mipui thawhkhawm cheng 2,20,000 hmanga a bul tan a ni.

Khuallian Pu Lalbiakzama chuan thu sawiin zirna hi hmasawnna kailawn a ni a, zirlai naupang ten hlawhtlinna an neih chhunzawm zel theih nan theih thawp chhuah turin a chah bawk.

He school building-ah hian class room 3, office, principal chamber leh double toilet a awm a. Tunah hian he school-ah hian zirlai 30 an awm a, an vai hian Art Stream vek an ni.