864/2023-2024

Aizawl, 21st June, 2023 : Nimin khan Dr. R.Lalthangliana, Health &Family Welfare leh Higher & Technical Education Department changtu chuan Manipur buaina avanga zirlai raltlante admission chungchang meeting a neihpui. He meeting ah hian Mizoram mi Manipur-a lehkhazir te leh Manipur-a Zohnahthlak zirlai raltlanten Mizorama zirna an chhunzawm theih dan tur te sawi ho a ni a, Health Department, Higher & Technical Education Department, MZU official te leh MZP hruaitute an tel a ni.

Meeting-ah hian MZP lam atanga zirlai raltlante chungchang report ngaihthlak niin, line hrang hrang zir zirlai 600 chuang an awm thu tarlan a ni a. Heng zirlai harsatna tawkte hi a theih chin chinah Mizorama zirna an chhunzawm dan kawng dap pui ni se tih a ni a. Line hrang hranga zirlaiten an zirna an chhunzawm theihnan  concerned authorities ah MZP ten lo thlenpui ni se tih a ni bawk.