423/2023-2024

Aizawl The 12th May 2023: Vawiin khan ‘Edu-Fest-2023’ chu Millennium Centre Rooftop,Exhibition Hall-ah neih a ni a, Dr.R.Lalthangliana, Higher & Technical Education (H&TE) Minister chu khuallian niin a hawng.

Khuallian chuan zirlaite hmakhua ngai a ‘Edu-Fest’ buatsaih a ni chu lawmawm a tih thu a sawi a. Zirlaite chu hnam rohlu nakina ram hruaitu tur an nih thu tarlangin theihtawp a anmahni tanpui a pawimawh hle a ni, a ti. Zirlaite leh Educational Institutuion hrang hrangte inkarah palai awm lo a,hmaichhan a inbiakna leh inkawmna a awm thin chu Edu-fest-pawimawh leh tangkaina a ni tiin uar zawka neih thin a tul thu a sawi. Zirlaite chu sawrkar hna ah chauh in nghat lo turin a chah a, mahni ke a ding thei turin thiamna tak tak a pawimawh thu sawiin mithiam tan chuan hna a awm reng a ti a. Mi tam takin teirei peih loh avangin hlawhtlinna an chang lo fo ni a ahriat thu sawiin taima leh beidawng lo a bei zel turin zirlai te chu a chah a ni.

Minister chuan qualification aiin quality a pawimawh zawk tih sawiin Mizote zingah qualification nei an tam hle a, quality tha tak tak nei chhuah a hun tawh tak zet a ti a. Zirlaite zingah ‘Technical line’ luhchilh an tlem sawt hle ni a a hriat thu tarlangin he lam a tan lathar turin zirlaite a sawm nghal bawk a ni. Dr.R.Lalthangliana, Health Minister nibawk chuan Oncologist leh Nephrologist- Mizoramin a tlakchham thu sawiin a bik taka tan lak thar a ngai a ni, a ti. ZMC-a hnathawk tamzawk chu state-pawnlam mi an nih thu tarlangin, Mizoram State Super Specialty Cancer and Research Centre (MSSSCRC) peihfel a nih hunah Mizo thawk tur hmuhzawh loh a hlauhawm a ni tiin zirlaite chu theihtawp chhuah turin a fuih bawk.

H & TE, Minister chuan Mizoram chhungah chauh hnathawh tum lo a state pawn leh khawvel hmun hrang hranga hnathawk thei turin taima taka beih a ngaih thu a sawi a. Zirna sang zawk leh hmundang a hnathawk thei turin Edu- fest chu tangkai taka hmang turin kalkhawmte chu a chah a. State pawn atang a lo kal Institution hrang hrangte chu Mizoramah a lo lawm tih sawiin, an theihna zawn apiang a Mizo zirlaite puih turin a sawm nghal a ni.

Edu-fest 2023- ah hian State pawn atangin heng Institute-te hi an lo tel thei

1. Parul University, Vadodara, Gujarat

2. Graphic Era University, Dehradun, Uttarakhand

3. Amity University, Kolkata

4. SRM University, Delhi

5. Girijananda Chowdhury University ,Guwahati, Assam

6. Vijaybhoomi University, Karjat, Maharashtra

7. Sharda University, Greater Noida, Uttar Pradesh

8. Ramaiah University of Applied Sciences, Bengaluru

9. Global Reach

Heng bakah hian Indian Army, Indian Air force leh student loan pe thin Yes Bank-te an tel bawk a ni.

Edu-Fest 2023-hi Zalen chanchinbu leh Lynchpin tangkawp buatsaih niin, vawiin  hawnna inkhawm hi Pu Vanlalrema Vantawl (Zalen Editor )-chuan a   kaihruai a,  Pu C.Lalhmachhuana (Treasurer, MJA)  chuan lawmthu sawina neiin hun a khar a ni.