422/2023-2024

Dated Aizawl the 12th May, 2023 : Vawiin khan I&PR Minister, Pu Lalruatkima'n Mizo Department, Hrangbana College lehkhabu buatsaih, Hmangaihna zun zam tih chu a tlangzarh.

He tlangzarhna inkhawm, I&PR Minister Office Chamber a neih ah hian I&PR Minister chuan thu sawiin Hmangaihna zun zam, Laltanpuia Tochhawng hlate zir zauna lehkhabu buatsaih ani chu a ropui in a lehkhabu buatsaihtu Mizo Department, a ziak tu te leh a phen a hnathawktute chu an fakawm hle a ni, a ti.

Minister chuan Laltanpuia Tochhawng hla tamtak phen a thuruk in thup zirchianna nei tura thuziak a awm ta chu a vanneihthlak hle a ni, a ti a. Laltanpuia Tochhawng hla ah te chuan zir tur tamtak a awm a ; ram hmangaih na chungchang, ram tana mi in a tih ve theih te leh mihring in hmangaihna, in lainatna leh duhsakna thuk tak a tarlanna te a in phum a ni, a ti. Tin, hla a sak thiam mai bakah hla thluk mawi taka a siam a thiam na chuan Mizo mipui a hip a, mi nawlpui in a hla sak te nuam anti a, hmangaihna lam hla ah phei chuan a hlate sa lo chuan mizote hi kan tlei thei tak tak lo a ni, a ti. Heng te avang hian Laltanpuia Tochhawng chu Mizo te ah hian a dai tawh dawn lo a ni, a ti bawk.

Pu Ruatkima chuan mizo tawng tihhausak a pawimawh zia thu pawh sawiin Zofate chu British in min awp lai khan excluded area a awm thin kanni a, British in min chhuahsan hnu in ram peng hran leh tawng hrang hmangin kan awm a. Amaherawhchu Duhlian tawng, tuna kan hman mek hi a khaikhawmtu deuh ber leh a thiam kan tam ber avangin literature hmasawn nan pawh kan tih hausak a pawimawh hle a ni, a ti. Lehkhabu chhiar pawimawh zia pawh sawiin thangthar ten lehkhabu chhiar an ngai hlu ta lo chu pawi a tih thu a sawi a, literature mai nilo, ram hmasawn zel nan pawh thangthar ten lehkhachhiar an ngaih pawimawh a tul hle a ni, a ti. Hrangbana College, Mizo Department leh mithiam kalkhawmte hnenah chuan Mizo tawng hman fimkhur pawimawh zia thangthar te hnen a thehdarh zel turin a ngen bawk.

Dr. H. Lalzidinga, Hrangbana College Principal pawh in thu sawiin, Minister, Hrangbana college Alumni ni bawk in a Hmangaihna Zun zam a tlangzarh chu a lawmawm hle a ni a ti a. Laltanpuia Tochhawng chu Mizo rilrem tak maia hla phuah chhuak thiam a ni a, chawimawi pawh a phu hle a ni, a ti.

Hmangaihna Zun Zam lehkhabu hi Mizo Department, Hrangbana College buatsaih niin, Laltanpuia Tochhawng hla te mi hrang hrang in an zir zauna a ni a, ziaktu mi 25 lai awmin, Laltanpuia hlate thlirna hrang hrang atanga an zirna te chhawpchhuah a ni.

Vawiin Program ahhian HBC Mizo Department leh Laltanpuia Tochhawng chhungte leh sawmbik mi pawimawhte an kalkhawm a, tlangzarhna inkhawm hi Dr.Darchuailova Renthlei, Head of Department, Mizo, Hrangbana College in a kaihruai a, Pu K Lalnunzama, Guest Faculty MZU in lehkhabu kamkeuna neiin Pi H. Lalthanpuii, Associate Professor, Dept of Mizo, Hrangbana College in lawmthu sawina neiin hun a khar a ni.