Nimin tlai khan Dr. R. Lalthangliana, Higher & Technical Education, Health & Family Welfare leh Commerce & Industries Department changtu Minister chuan Lunglei Govt. College leh Govt. J. Buana College te a hmun ah a tlawh.

Dr. R. Lalthangliana hi Lunglei Govt. College a tlawhnaah Pu LH. Rothanga, Principal leh a thawhpui ten lo dawngsawnga, zirtirtute hmaah thusawiin mahni dept. chante a hmun ngeia kal a hriatchian a duh thu sawiin chhimlam hi zirna ah kan sang thin a,  tunhnai ah hian kan tlahniam a, Mizoram hi literacy ah sang hle mahila ataka thiamna kan nei lo hi pawi ati. Tunlai technology leh Education mila zirtirna pe thei tura inbuatsaiha  in update turin zirtirtute a chah ani.  Building leh  hmasawnna ruhrel te tha lo mahse he College atang hian Mizoram chhunga milangsar  chherchhuak tura tan la turin a chah bawk. Building tha piahlam ah compound chhung hi naupang ten nuam an tih theih ang ber siam a that thu a sawi a, kum 5 chhung atana infrastructure tha duang tura inngaihtuah a ngai thu a sawi bawk.

 Dr. R. Lalthangliana hian  Lunglei Govt. College a tlawh hnu hian Govt. J. Buana College tlawh leh in Prof. J. Zorema, Principal leh a thawhpui ten lo dawngsawngin Dr. R. Lalthangliana chuan mit ngeia college dinhmun hriat a duh thu sawi a,  zirna ah hian Lunglei hi kan hnufual  sawt hle a  MPSC piahah Central Service ah Lunglei atanga  lut kan tlem ta lutuk hi kan in enchian a ngai ani ati. He College atang hian kumtin 2 emaw 3 emaw tal chu Zoram a milangsar ni tura chherchhuah a ngaih thu a sawi bawk. Zirtirtu te chu tunlai Technology leh Education mila zirtirna tha pe thei tura in update turin a chah bawk.

Dr. R. Lalthangliana chuan College pahnih ten mamawh an thlen te chu ngaihtuah sak a tum thu asawi bawk.