Mizorama Deficit College pahnih awmah Mizoram Law College leh Chawngte Deficit College-a thawkte hlawh chungchangah Sorkar sum indaih lohna avangin an hlawh tur duh anga pek an nih loh chungchanga lungawi lohna thu zirtirtu tlemte ten Press Conference ko a an lo aupui chu Mizoram Sorkar chuan pawi a ti hle.

Hemi chungchang hi Planning Department in ngun taka an ngaihtuaha, kar hnih khat chhunga tihfel an in beisei laiin hetianga zirtirtu tlemte ten Sorkar kalphung hre hauh lova an lo au chhuahpui hi Sorkar chuan pawi a ti takzet a. He an Press Conference avang hian an hlawh hi hmuh hma a hmuh tlai theih anih chuan loh avangin Sorkar hnathawkte awm dan tur anga hetianga ti lo tura ngen an ni chung pawha hma an la lui hi Sorkar chuan pawi a ti takzet a ni. An hlawh hi kar hnih khat chhunga tihfel tum a ni tih Planning Department te pawhin an sawi a ni.