Vawiin Dt 5th February, 2013 zing dar 11:00 khan DRDA Conference Hall, Mamit-ah District Level Vigilance & Monitoring Committee chu Pu Lalhmingliana, MP Rajya Sabha Co- Chairman kaihhruaina-in meeting neih a ni.

Pu Lalhmingliana, MP Rajya Sabha Co- Chairman chuan Monitoring pawimawhna leh Quarter tina thutkhawm a pawimawh zia leh Central Sawrkar atanga sum hmuh nan chauh nilova quality a that theih nana a zing thei ang ber a thutkhawm a pawimawh thu sawiin Officer kalkhawmte chu mahni hna-a inpe leh zual tur leh mirethei hmangaihna thinlung pu chunga thawk tur a chahin he hun ngai pawimawha member lo kalte chungah lawmthu a sawi bawk.

He Central Scheme hrang hranga hmasawnna thlirletna hunah hian Rural Development hnuaia Scheme hrang hrang, MGNREGS, IAY, SGSY, IWMP, IWMI, PMGSY, TSC,ARWSP, RGGVY, NSAP leh RSP/TSC te hmanga hmalakna te uluk taka thlirho niin harsatna an neih te pawh sawi ho a ni. Pu C. Lalpeksanga Project Director DRDA, Mamit chuan MGNREGS-ah kum 2012-2013 chhungin Job card nei 19069 te tan ni 66 inhlawhna siam anih tawh thu a tarlang a, IAY tanpuina hmanga chhungkaw 169 te chenna In sak sak an nih thu te, SGSY hmanga mimal leh Self Help Group (SGH) te hmalak pui an nih dan te, IWMP hmanga thingtlang kuthnathawk te dawmkan an nih mek dan leh eizawnna kumhlun an neih theih nana DRDA hmalakna te a sawi a, Central Sawrkar in MIS hmanga pawisa min pek tawh avangin leh Internet connectivity a that tawk loh avanga sum hmuh tlem a nih thu te a sawi bawk. Kumin pawh hian MGNREGS hnuai ah ni 100 inhlawhna a huphurhawm thu sawiin BSNL hotute chu tan la lehzual turin a sawm a, sum hmuh tlem anih chhan chu MIS-a kan hniam vang ni bawk mahse, a bul berah chuan State sawrkarin matching share a pek tlai thin vang leh matching share atak-a la hmuh loh MIS-a hmu anga tihlan tawh Rs 374.868 lakh lai a awm avangin pawisa hman ban ngah angin Central sawrkar chuan min ngai a. Hei vang hian Central sawrkar chuan sum a rawn pe tlem a ni a ti.

PHE, PWD, P&E, Social Welfare Deppt, CMO leh BDO te hnen atangin an hmalak dan hrang hrang te ngaihthlak a ni a, PIA te hnen atangin an hmalak tawh dan leh hmalak zel an tum dan ngaihthlak a ni.

Meeting-ah chuan pawisa te a hun taka dawn anih theih nana theihtawp chhuah a tan tlan nise tih te sawi ho niin, State Sawrkar pawhin Matching share te a pek thuai theih nan hotute ngen nise committee chuan a ti bawk a ni.

He meeting-ah hian Pu John Rotluangliana Dy Speaker, Bialtu MLA, Pu V.L Robiaka Chairman ZIDCO, Pu V. Lalremthanga D.C Mamit ten thusawiina an nei bawk.

He meeting-ah hian PIA, BDO, NGO’s, BSNL hotute bakah Committee Members te an tel tha hle a ni.

Attachment

  • Loading attachment...