No.1542/2021-2022

Tukin zing dar 7:00AM khan Higher & Technical Education Minister Dr. R. Lalthangliana chuan Assam Rifles bul tuma Military Nursing Service (MNS) Exam Coaching kal, July ni 28-a Gwahauti-a entrance exam tur te vailiamna hun Loch Hall, AR Ground-ah a hmang a, Col. Rajesh Kumar Nayak, Commandant 2 (Lakhimpur) Battalion chuan Minister hi a lo dawngsawng a ni.

Minister Dr. R.Lalthangliana chuan Military Nursing Service Exam Entrance pe tur zawng zawngte hlawhtling ngei turin duhsakna a hlan a. Entrance coaching class, kar ruk chhung buatsaihtu, Assam Rifles te hnenah lawmthu a sawi bawk a. Minister chuan Mizo thalai nurse zir chhuak, MNS a luh tum, mi 24 an awm chu Mizo thalai tumruhna  a lang chiang hle a, military nursing service-a luh tum te lo pung zel se a tih thu sawiin, ram tan rawngbawlna pawimawh leh ropui tak a ni, a ti a. Zirna kawngah zirlai zawng zawng ten theihtawp chhuaha hmasawn zel turin a duhsak thu Minister chuan a sawi a. Thiamna tak tak, ram leh khawtlangin a tangkaipui theih tur zirchhuak a, ram tan an thiamna te hmang zel turin a chah bawk a ni.

Minister hian Sohra Afforestation Drive hnuaiah thing, Mangolia sp. phunna hun a hmang nghal bawk a ni.

Minister hi Pu R. Lalramnghaka, Health & Family Welfare Secretary leh midangten an tawiawm a ni.

MNS hi short service a ni a, hmeichhia te tan service tha tak, Indian Army  nursing officer nih theihna a ni a. Kum 5 chhung service a, a tul dan a zirin service pawhsei (permanent commission) theih a ni. Payband hi 15,600 - 39100 Level 10 to 11, and 37,400 - 67,000 at Level 13 to 13B a ni.