No.3044/2021-2022
Aizawl, 18th November, 2021 : Vawiin chawhma dar 10:00 khan Dawrpui Multipurpose Hall, Aizawl-ah HISSLAM, Annual General Conference vawi 22-na neih a ni a, Dr.Lalzirmawia Chhangte, I.A.S Secretary, School Education Department in a hmanpui.

He hun hmanpui tu, Dr.Lalzirmawia Chhangte, I.A.S, Secretary, School Education Department chuan thusawiin Higher Secondary School Lecturers Association of Mizoram (HISSLAM) in 22nd Annual General Conference hmanpui tura an sawm chu lawmawm a tih thu a sawi a, HISSLAM chu pawl puitling tak, mahni hamthatna ringawt ngaihtuah ngai lo, midangte tan pawh a kawng hrang hrang a ke pe chhuak thin an nih thu a sawi a, Zirtirtute chu an school naupang te eng ang mi ah nge an chhuah dawn tih ngaihtuah chung a, an zirlai thiam tir bakah an zir zawh tawh hnu a, eng hna pawh thawk thei tura mi hman tlakleh rintlak ni thei tura chher chhuah tum turin a chah a, Zirtirtu hna hi hna pawimawh tak a ni a, chuvangin zirtirtu te hi dinhmun pawimawh taka ding an ni tih i hre thar leh tura fuihin Pathian in kan naupangte puitling tura chher chhuah tum turin min duh a, taima taka hna kan thawh a, kan School naupangte hnenah zirtirna tha kan pek phawt chuan hlawhtlinna kan hmu ngei ang a, hlawhtlinna kan neih chuan keimahni ah hlimna nasa tak a thleng thin tih a sawi.

HISSLAM pawl thil tul sawi hrang hrang te kalpui dan turah Dr Lalzirmawia chuan thil reng reng hi sawi hona neih thin hian kan harsatnate neih te chinfel a awlsam tih sawiin. HISSLAM chu an harsatna leh hma chhawp an neih-ah a ma zawn a tih tur awm ah chuan theih tawp chhuah pui zel a tum thu a sawi bawk .

HISSLAM 22nd Annual General Conference 2021 First Session hi Pu G.Lalniliana, Vice President HISLLAM in a kaihruaia, Pu Vanlalzuata, HISSLAM President in thu a sawi a, Pu Hrathmingthanga, Gen.Secy hnen atngin Pawl hmalakna report ngaih thlak a ni bawk. He hunah hian HISSLAM member boral mi pathum te sunna hun hman a ni a, Pension a chhuak mi 8 te hnenah thlahna thilpek hlanna hun hman a ni bawk. Pu Kapzauva, Asst Secy in lawmthu sawina hun hmang in hnu a khar a ni.

Chawhnu lamah hian hian rorel a ni a, Sum dinhmun report pek a nih bakah hruaitu thlanna neih a ni. HISSLAM ah hian member 465 an awm a, HISSLAM 22nd Annual General Conference 2021-ah hian member kal an tha hle bawk.