Vawiin khan Music Domain Mizoram (MDM) General Assembly vawi 3-na Aijal Club-a hman  chu  Pu Joseph Lalhimpuia Parliamentary School Education chuan a hmanpui.

Music  hi Art a ni a, hla leh music hian khawvel nun kawng hrang hrang a nghawng nasat thu  khuallian Pu Joseph  Lalhimpuia chuan sawiin Incheinaah te, nunphungah te, Economics-ah te leh Politics-ah te pawh nasa takin nghawng a nei ani a ti a. Zaithiam rual kalkhawmte chu an hriselna ngai pawimawh  tur leh hmun hrang hranga an zainaah a hun leh hmun mil zela hla sak a pawimawh  ani tiin hranghluite style lak a that rualin mahni style neih a  tha zawk a, Zaithiamte hian thalaite nun an tidanglam thei a, ngaihtuahna pawh  sen a ngai  hle a, Hla hian thalaite nunah nghawng aneih nasat thu a sawi.

Ram changkang zawk USA ah te chuan Music Industry atanga ramdanga an export chu kumtin US dollar tluklehdingawn 125 vel lai a tling a,pirated music avanga USdollar tlukdn 12.5 lai kumtin an hloh thu te  sawiin khuallian chuan UK ah pawh Music Industry atanga sum che vel chu British Pound maktaduai 4100 aia tlem lo a nih thu leh  Music tourist te hian UK economy-ah Great Britain Pound maktaduai 864 zet an chhunglut a chu chu hnathawk 19,700 rawihna tham lai a ni a, Chuvangin, Music hi kan ngaisang emaw ngaisang lo emaw khawvelah hian bu a khuar ngheh em avangin a cham rih dawn a ni a ti.

Pu Lalnunkenga Chuaungo, General Secretary-in a report danin Music Domain Mizoram (MDM) hian a din tirh atangin cheng nuai 37 chuang an thawk chhuak tawh a, cheng nuai 30 chuang chu zaithiamte hnenah royalty atan an sem chhuak tawh  a. Music Video Library an siam a, local TV te hnenah subscription fee awmin an pe chhuak thin a ni. MDM ah hian member artist 400 an awm mek a, an member dam lo an awmin Mizoram chhunga enkawl leh Mizoram pawna enkawlte sumin an tanpui thin a, December thlaah midangte tanpui nan Concert an buatsaih thin a ni.

 

Attachment

  • Loading attachment...