Kumina Zirtirtute Ni, Teachers’ Day lawm dan turah inbuatsaihna leh ruahmanna hrang hrangte ngaihtuah tura hun tam zawk neih anih theihna turin vawiin khan School Education Directorate Conference Hallah School Education Minister Pu H.Rohluna kaihhruaina hnuaiah meeting neih a ni.
Meetingah chuan kum hmasa a kalpui alo nih tawh angin kuminah pawh Teachers’Day lawm dan turah District leh Sub Division Levelah Committee din leh nise an ti a.He ni pawimawh tak hi mumal tak leh felfai taka lawm anih theihnan inkaihhruaina fumfe tak siam a, khawchhung hmun langsar zualah Teachers’Day Banner tar ngei nise an ti bawk a. He ni pual hian thawhlawm pawh tihluihna awm loin Zirtirtu pakhat zelin Rs.50/- zel thawh a, zirlai naupangten an remchan dan ang zela thawh ve a, Chief Minister leh School Education Minister ten Teachers’ Day pualin thuchah buatsaih nise tih an rel bawk a ni.
Meetinga an sum dinhmun an tarlanah tunah hian avaiin Rs.2236513/- an la nei a, nikum 2016 chhung khan zirtirtu damlo leh harsa te tanpui nan zirtirtu 99 hnenah National Foundation for Teachers Welfare Fund, Mizoram atangin Rs.810000/- semchhuah anih thu tarlan a ni bawk.
Meetingah hian Pu Joseph Lalhimpuia, Parliamentary Secretary leh Pu K.Lalthawmmawia, Director, School Education te bakah department leh district hrang hrang aiawhte an tel a ni.
