Mizo Hlakungpui Mual Silver Jubilee lawmna ni 2 na neih chhunzawm zel a ni. Tukin zing dar 11:00 khan Hlakungpui Mual luah tura Thuziak mi leh Hla phuah thiam seng luh tharte lungphun hawnna buatsaih a ni a. hetah hian Pu Lalrinliana Sailo, H & FW Minister chu khuallian niin Lungphun chu a hawng a ni.
Khuallian Pu Lalrinliana chuan thusawiin thu leh hla, thlarau nun thlenga min chawm seilian tute hi kan hnam tan an hlu a. Thu nung reng min hnutchhiah tute hriatrengna buatsaihtute an fakawm hle a ni, a ti. Tisa leh thlarau a kan hnam min phuarkhawmtute hi i ngaihlu ang u, tiin Pu Rina chuan kan ram mawina leh hlutna thiam takin an au chhuahpui a, min hringtu kan Zoram hi i hmangaih ang u tiin kalkhawmte chu a sawm a ni.
Hlakungpui Muala sengluh tharte hi thuziak mi Pi Nuchhungi, Hla phuahthiam Rev. Thangngura, PS Chawngthu leh Zirsangzela Hnamte te an ni. Tun thlenga Hlakungpui muala thuziak mi leh hla phuah thiam seng luh tawh te hi an vaiin mi 33 an ni tawh a ni.
Hlakungpui mual hian khualzin mite leh zirmite ngaihhlut a hlawhin tlawhtu an thahnem tawh hle a ni. Tun tum Jubilee lawmna ah pawh hian Mizoram hmun hrang hrang atangin mi 1000 chuang zetin he hun hi an hmang a ni. Mizoram huapa zaithiam lar tak tak te an zai reng bawk a. Jubilee lawmna ruai theh a ni a, zan lamah vantlang inkhawm hlimawm takin an hmang leh a ni.
Hlakungpui Muala sengluh tharte hi thuziak mi Pi Nuchhungi, Hla phuahthiam Rev. Thangngura, PS Chawngthu leh Zirsangzela Hnamte te an ni. Tun thlenga Hlakungpui muala thuziak mi leh hla phuah thiam seng luh tawh te hi an vaiin mi 33 an ni tawh a ni.
Hlakungpui mual hian khualzin mite leh zirmite ngaihhlut a hlawhin tlawhtu an thahnem tawh hle a ni. Tun tum Jubilee lawmna ah pawh hian Mizoram hmun hrang hrang atangin mi 1000 chuang zetin he hun hi an hmang a ni. Mizoram huapa zaithiam lar tak tak te an zai reng bawk a. Jubilee lawmna ruai theh a ni a, zan lamah vantlang inkhawm hlimawm takin an hmang leh a ni.
