Pu Zothankhuma, IAS, District Bawrhsap Mamit District, Mamit hnena tanga thu kan hmuh angin " Indo- Bangladesh Border Fencing Compensation chungchangah thil hriatfiah tawk loh sawifiah ngai a awm niin a lang a, hetiang hi thil awmdan a ni e.
Indo-Bangladesh Border Fencing hnathawh mekah hian a hungna(fencing) bakah a hrulah hian Sipai Patrol-na tur kawngpui laih nghal zel a ni a.Hemi in a tihchhiat bik hi' On -line damage' tih a ni. Tin Fencing leh International boundary(0 point) inkar ramri hungin pawn lama a dah tak, thlai leh thil dang awm te hi' deemed/perceived damaged' tih a ni a. On line damage leh deemed/perceived damage ah hian a hran ve vein assessment siam a ni a. Tuna compensation sem mek hi On-line damage compensation chauh a ni a. Deemed/ Perceived damage atan hian Compensation pek a ni lo.Hei hi ramri hrul mipuite hian an ngaihpawlh niin alang a. Assessment siam te reng reng chuan compensation dawng vek tura inngai an awm niin a lang. Tin mahni khua ni lova hmun dang VC hnuaia ram/ hmunhma nei te chu a ram awmna V/C hnuaiah zel assessment siam a ni.
He Border Fencing Compensation pekna tura assessment siamnaah hian a ram tihchhiat khaw tin VC te, ram neitute, DC Staff te leh a thawktu Company NBCC te nen siam a ni a. A dik thei ang ber leh hmaih palh awm lo thei ang ber tura assessment hi siam a ni.
Compensation semna ah hian a dawngtu turten an lak hma in identify proof(Voter ID leh a dang te) entir zel tura phut an ni a. Chutiang entir tur nei lo an awm a nih chuan an VC te hriatpuina leh remtihna chauhvin pek chhuah an ni. Compensation latu te hi Actual Payee Receipt(APR) ah an sum dawn tur assessment form a mi angin an dawng ngei tih an riming sign tir zel an ni a, a kim lo a dawng emaw midang laktur lo laksak emaw an awm hriat a ni lo.
Indo-Bangladesh Border Fencing Third Phase chungchanga harsatna leh hriatfiah duh nei te tan D.C. Office Mamit-ah Office hun chhungin zawhfiah thei reng a ni.
