Vawiin khan Health Directorate Conference Hall-ah World Health Day chu 'Anti Microbial Resistance : No action today, no cure tomorrow; tih thupui hmangin hman a ni a, Dr. C. Lalthanmawia, Director, Health Services chuan a kaihruai.
Resource person, Dr. T. Lalhmingmawii, Microbialogist chuan damdawi hmanah fimkhur a ngaih thu power point presentation a nei a, duh duha damdawi (anti-biotic) kan in chawh te, duh hun huna kan chawlhsan leh hian natna hrik resistence kan siam sak thin dan te, natna hrik chawlawl tak leh thah har takah te kan chhuah thin dan leh damdawi standard treatment kha dam pui thei tawh lovin, a chak zawk a ngaih phah thin thu a tarlang.

Doctor-te min chawh dan angin, a hun takah ei a, a hun takah chauh tih tawp anih loh chuan natna khirh, inkai chhawn theih chi awlsam takin kan neih phah teuh theih thu leh chutiang anih loh chuan Anti-biotic hmuhchhuah hma hun angah kan kir leh theih thu Dr. Mawii chuan a sawi bawk.

He inkhawm pawimawh tak hi Pu P. Kaptluanga, SMEMO chuan lawmthu sawina in a ti tawp a ni.