Vawiin chawhnu dar 11:00 ah tanin Hlaphuah thiam leh Thuziak thiamte kawmna hun Art & Culture Hall Lunglei-ah neih a ni. He hun hi Art & Culture Department leh MAL Joint Headquarters Lunglei te buatsaih a ni. He hun hmanna hi Pu C. Hrangdula President MAL in a kaihruai a ni.
He hun a khuallian Pu Joseph Lalhimpuia Vice Chairman HPC in thusawina neiin Literature nei tha te hi khawvel hnam changkang tehna a ni a ti. Literature sawifiahin lehkhathiam, thil hrezau, Pa rawntlak, mi rilte hi literature tha nei te chu an ni, a ti. Kan thu leh hlate ziakna kan dah zel hi kan tu leh fate leh hun lo la kal zel tur tan thil tha hnutchhiahna a ni, a ti. Kan Pathian pawh hi ziaktu ropui ber a ni a, Pathian thawkkhuma ziak Pathian thu hi kan nunna bu chu a ni, a ti. He hun a ziaktu ropui tak tak lo kal te pawh tun aia ziak tam a tanla thar zel tura a duh thu a sawi bawk. Zirna kan uar tur a ni a thudik vawn thatna pawimawh tak pawh ziak a thu dah hi a ni ati. Kan hnam ti ropui zel turin mitin in ziak a thu dah hi kan uar tur a ni a ti. Chutih rual chuan thu diklo ziah hian pawi nasa tak a sawi theih avang pawhin ziak miten thu dik leh belhchhan dawl kan ziah a ngai a ni a ti. Thu leh hla a kan thanharh a chungte chu ziak a dah nachang hria a a tam thei ang bera ziaka thu dah leh literature a hma kan sawn theih nana tan la theuh turin kal khawm te a chah a ni.

Vawiin ni a thu leh hla thiam kawmna an neih te hi Pu K. Biaksanga, Dr. Hranghrima, Rev. Lalthangliana Hnamte leh Upa F. Laltuaia te an ni.