Information & Public Relations (I&PR) leh PWD hnuaia World Bank Project enkawltu lam huaihawtna a Aizawl-Thenzawl-Lunglei kawng ena kal MJA Headquarter President leh a thawhpuite chuan Lunglei zankhat va riakin, nimin khan Aizawl an lo kir.
MJA ten kawng en tura an kal hma hian he kawng chungchangah thil sawi neuh neuh te a lo awm a, hemi chungchang sawiin, Er. K. Sawmvela, SE (PWD) leh World Bank Funded Project enkawltu, Project Director chuan, hemi avanga MJA te hi sawm an nih loh thu leh I&PR hotute nen a hma daih tawh a rawtna an lo siam tawh anih thu a sawi.
Helai kawng hi kumin December ni 31 hma ngeiin zawh tur anih avangin, hnathawktute pawhin an bei ngawrh hle a, hmuh dan tlangpuiah a tha thawkhat hle a, zawh fel anih hma chuan sawi thiam a har hrih a ni. Aizawl-Serchhip-Lunglei lam atanga kalin km. 235 anih laiin, Aizawl-Thenzawl-Lunglei a kal hian km. 164 chauh a ni ta a, km. 71 in a inhnaih hleih bakah a kawng a zal nuam ta zawk bawk a ni.
Aizawl lam atanga kal a Pukpui thlen hma deuh Tlawng lei (Bridge) chu a, bearing (a cushion) a keh avangin a chhia a, hei hi pawl thenkhat chuan a hmunah enin, TV leh Chanchinbu lamah te nasa takin an theh darh a, a foundation pawh tichhe hial angte a sawi pawh an awm. MJA ten uluk taka an thlir ve hnu-ah he bearing keh hian a Dirt Wall (leivung leh bawlhhlawh danna) chu a ti khi a, a foundation leh ban dang erawh a khawih chhe lova, Dirt Wall hi Foundation nen inzawmna neilo, foundation ban ah a hranpa a chhunzawm ve mai a ni tih hmuh a ni.
He bearing thlakna tur hian PWD leh an Contractor te chuan a company, Malaysia ah an chah leh mek a, he bearing hi engvanga keh nge ? He leihlawn Ton 450 zo tura siam a ni lo em ni ? Manufacturing defect em ni zawk ? tih pawh hriat tumin an buaipui mek a ni.
MJA te zin hi Lunglei MJA ten zanriah lo siam sakin, hlim takin hun an hmang hova, Pu Zodintluanga, I & PR Minister pawhin zanriah hi a kilpui a, Media te nen thawhhona tha neih a, ram rotling tur thil te buatsaihna ah dikna leh thawhrimna a awm theih zel nan a, a vengtu pawimawh berte chu Thuthar lakkhawmtu te an nih thu a sawi.
Headquarter MJA, Lunglei district MJA, Serchhip district MJA, Thenzawl leh Hnahthial te chuan ni 21.4.2010 khan Lunglei Press Club-ah meeting hun tha tak an nei a, an sawmna angin Project Site Visit an neihna a hruaitu Pu David L. Thangliana, Dy. Director, I&PR pawhin thu sawiin, kan ram hruaituten an duh angin, thuthar lakkhawmtute pawhin, langtlang a sawrkar sum hman dan enpui thin a, a dik chu dik, diklo chu diklo anih angin puang thin tur leh thu dik hre chiang lova, midang thusawi chhawnte mipui ah hriattir mai lo turin a chah.
Helai kawng hi kumin December ni 31 hma ngeiin zawh tur anih avangin, hnathawktute pawhin an bei ngawrh hle a, hmuh dan tlangpuiah a tha thawkhat hle a, zawh fel anih hma chuan sawi thiam a har hrih a ni. Aizawl-Serchhip-Lunglei lam atanga kalin km. 235 anih laiin, Aizawl-Thenzawl-Lunglei a kal hian km. 164 chauh a ni ta a, km. 71 in a inhnaih hleih bakah a kawng a zal nuam ta zawk bawk a ni.
Aizawl lam atanga kal a Pukpui thlen hma deuh Tlawng lei (Bridge) chu a, bearing (a cushion) a keh avangin a chhia a, hei hi pawl thenkhat chuan a hmunah enin, TV leh Chanchinbu lamah te nasa takin an theh darh a, a foundation pawh tichhe hial angte a sawi pawh an awm. MJA ten uluk taka an thlir ve hnu-ah he bearing keh hian a Dirt Wall (leivung leh bawlhhlawh danna) chu a ti khi a, a foundation leh ban dang erawh a khawih chhe lova, Dirt Wall hi Foundation nen inzawmna neilo, foundation ban ah a hranpa a chhunzawm ve mai a ni tih hmuh a ni.
He bearing thlakna tur hian PWD leh an Contractor te chuan a company, Malaysia ah an chah leh mek a, he bearing hi engvanga keh nge ? He leihlawn Ton 450 zo tura siam a ni lo em ni ? Manufacturing defect em ni zawk ? tih pawh hriat tumin an buaipui mek a ni.
MJA te zin hi Lunglei MJA ten zanriah lo siam sakin, hlim takin hun an hmang hova, Pu Zodintluanga, I & PR Minister pawhin zanriah hi a kilpui a, Media te nen thawhhona tha neih a, ram rotling tur thil te buatsaihna ah dikna leh thawhrimna a awm theih zel nan a, a vengtu pawimawh berte chu Thuthar lakkhawmtu te an nih thu a sawi.
Headquarter MJA, Lunglei district MJA, Serchhip district MJA, Thenzawl leh Hnahthial te chuan ni 21.4.2010 khan Lunglei Press Club-ah meeting hun tha tak an nei a, an sawmna angin Project Site Visit an neihna a hruaitu Pu David L. Thangliana, Dy. Director, I&PR pawhin thu sawiin, kan ram hruaituten an duh angin, thuthar lakkhawmtute pawhin, langtlang a sawrkar sum hman dan enpui thin a, a dik chu dik, diklo chu diklo anih angin puang thin tur leh thu dik hre chiang lova, midang thusawi chhawnte mipui ah hriattir mai lo turin a chah.
